site
stats
بزنس

پاکستان اسٹاک ایکس چینج کے حصص کی فروخت کی نیلامی ملتوی

کراچی : پاکستان اسٹاک مارکیٹ کے حصص کی فروخت کی نیلامی ملتوی کر دی گئی، شیئرز کی خریداری کیلئے بولی پندرہ دسمبر ہو گی۔

پاکستان اسٹاک مارکیٹ کی ڈی میوچلائزیشن کمیٹی کے چیئرمین شہزاد چامڈیا کے مطابق چند ایک قانونی معاملات ابھی حل طلب ہے، جس کے باعث ابھی بولی کی تاریخ کو آگے بڑھایا ہے، امید ہے کے پندرہ دسمبر سے پہلے تک تمام معاملات حل ہوجائیں گے۔

انھوں نے کہا کہ اس عرصے میں ممکنہ خریداوں سے بات چیت جاری رہے گی۔

خیال رہے کہ نیلامی میں پی ایس ایکس کے40فیصدحصص فروخت کئے جائیں گے۔چینی ،امریکی،برطانوی مالیاتی اداروں سمیت چند پاکستانی اداروں نے بھی حصص کی خریداری میں دلچسپی کا اظہار کیا ہے۔

پاکستان اسٹاک مارکیٹ نے بقیہ بیس فیصد حصص عوام کو بھی فروخت کرنے ہیں، اسٹر یٹجک حصص کی فروخت کے چھ ماہ بعد یہ شیئرز اولین عوامی فروخت کیلئے پیش کئے جائیں گے۔


مزید پڑھیں : پاکستان اسٹاک ایکس چینج کے حصص کی فروخت، نیلامی 5دسمبر کو ہوگی


یاد رہے اس سے قبل پاکستان اسٹاک مارکیٹ کے حصص کی فروخت کی نیلامی پانچ دسمبر کو ہونا تھی۔

اسٹاک مارکیٹ کی ڈی میوچلائزیشن کمیٹی کے چیئر مین شہزاد چامڈیا کا کہنا ہے پیشکشوں پر فیصلہ پانچ دسمبر کو کیا جائے گا، ٹرانزیکشن مکمل کرنے کی آخری تاریخ ستائس دسمبر ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top