لاہور: پاکستان کرکٹ بورڈ نے پاکستان سپر لیگ کےلیےکرونا ایس اوپیزتیار کرلیے ہیں، این سی او سی کی جانب سے منظوری ملنے پر اعلان کیا جائے گا۔
ذرائع کے مطابق پی سی بی نے پاکستان سپرلیگ کے لیےکروناا یس اوپیزتیار کرلیے ہیں، ایس او پیز کو وزارت صحت اور این سی اوسی کو بھجوادیا گیا ہے،این سی او سی اور وزارت صحت کی جانب سے گرین سنگل ملنے کے بعد پی سی بی کی جانب سے باقاعدہ اعلان کیا جائے گا۔
ذرائع کا کہنا ہے کہ نیشنل کمانڈ اینڈ کنٹرول سینٹر اور وزارت صحت کی جانب سے پاکستان سپر لیگ ایڈیشن 6 کے ایس او پیز منظور کئے جانے کے بعد ٹکٹوں کی آن لائن بکنگ،قیمت اور دیگرمعاملات کا اعلان ہوگا۔
دوسری جانب پی ایس ایل سیزن6 کی آن لائن ٹکٹوں کی پری بکنگ کا سلسلہ شروع ہوگیا ہے، اس سلسلے میں بک می ڈاٹ پی نامی ویب سائٹ پر شائقین کرکٹ نے رجسٹریشن کرانا شروع کردی ہے۔
رپورٹ کے مطابق پی سی بی اور این سی او سی حکام کے درمیان ہونے والے مذاکرات کے مطابق کراچی میں ہونے والے پی ایس ایل کے گروپ میچز کیلئے7500شائقین کرکٹ کو میدان میں آنے کی اجازت ہوگی جبکہ لاہورمیں ہونےوالےمیچزکیلئے5500شائقین کواجازت ملےگی۔
یہ بھی پڑھیں: پی ایس ایل سیزن6: آن لائن ٹکٹوں کے لئے رجسٹریشن کا آغاز
بک می ڈاٹ پی کے نامی اس کمپنی کا پہلی مرتبہ پی ایس ایل سےمعاہدہ ہوا ہے، یہ ویب سائٹ ہوٹل، فلائٹس اور موویز کی آن لائن ٹکٹ سیل کرتی ہے۔
پہلے مرحلے میں افتتاحی تقریب اور کراچی کے میچوں کی ٹکٹیں فروخت کی جائیں گی جب کہ دوسرےمرحلےمیں لاہور میں شیڈول لیگ میچوں کےٹکٹوں کی فروخت شروع ہو گی۔
