اسلام آباد : پاکستان نے اقوام متحدہ کی سلامتی کونسل میں بطورغیرمستقل رکن نشست سنبھال لی اور اسلام آباد میں سفرا کانفرنس میں حکمت عملی طے کرلی۔
تفصیلات کے مطابق پاکستان نے اقوام متحدہ کی سلامتی کونسل میں بطور غیر مستقل رکن نشست سنبھال لی ، پاکستان یکم جنوری 2025 سے اگلے 2 سال تک سلامتی کونسل کا رکن رہے گا۔
اس حوالے سے اسلام آباد میں سفرا کانفرنس میں حکمت عملی طے کر لی ، پاکستان سلامتی کونسل میں دنیا بھر کے مظلوموں کی آواز بنے گا۔
- Advertisement -
اس کے ساتھ ہی مقبوضہ کشمیر اور غزہ کے مسئلے پر جارح قوتوں کیخلاف آواز بلند کرے گا اور مقبوضہ کشمیر سمیت غزہ میں فوری ریلیف کیلئے اقدامات کی کوشش کرے گا۔
ذرائع نے کہا کہ رکنیت کے دوران امن و استحکام کے تناظر میں عالمی سلامتی کیلئے کام کیا جائے گا۔
