انگلینڈ کے خلاف منگل سے ملتان میں شروع ہونے والے دوسرے ٹیسٹ میچ کے لیے پاکستان ٹیم کی فائنل الیون کا اعلان کر دیا گیا ہے۔
پاکستان اور انگلینڈ کے درمیان تین ٹیسٹ میچوں پر مشتمل سیریز کا دوسرا میچ منگل 15 اکتوبر سے ملتان کرکٹ اسٹیڈیم میں شروع ہو رہا ہے جس کے لیے قومی ٹیم کی فائنل الیون کا اعلان کر دیا گیا ہے۔
ٹیم میں چار تبدیلیاں کی گئی ہیں۔ صائم ایوب دونوں اننگ میں ناکام رہنے کے باوجود ٹیم میں جگہ بنانے میں کامیاب رہے ہیں۔
بابر اعظم کی جگہ ٹیم میں شامل ہونے والے کامران غلام ڈیبیو کریں گے۔ ابرار احمد کے بیمار ہونے کے باعث ان کی جگہ اسپنر ساجد خان کے ساتھ زاہد محمود کو بھی فائنل الیون کا حصہ بنایا گیا ہے۔ اس کے علاوہ نعمان علی کو بھی موقع دیا گیا ہے۔
دوسرے ٹیسٹ میچ کے لیے پاکستان ٹیم ان کھلاڑیوں پر مشتمل ہے۔
شان مسعود (کپتان)، صائم ایوب، عبداللہ شفیق، کامران غلام، سعود شکیل، محمد رضوان، آغا سلمان، عامر جمال، نعمان علی، ساجد خان اور زاہد محمود
View this post on Instagram
واضح رہے کہ پہلے ٹیسٹ میچ میں پاکستان کو انگلینڈ کے ہاتھوں اننگ اور 47 رنز کی ٹیسٹ کرکٹ کی تاریخ کی بدترین شکست کا سامنا کرنا پڑا تھا۔ قومی ٹیم کو تین میچوں کی سیریز میں ایک صفر کا خسارہ ہے۔
بابر اعظم کو ڈراپ کرنے کا فیصلہ احمقانہ ہے، سابق انگلش کپتان
