The news is by your side.

Advertisement

’’ٹاپ تھری بیٹسمینوں کے بعد ٹیل اینڈرز کریز پر آرہے ہیں‘‘

لاہور: قومی ٹیم نے زمبابوے کے خلاف پہلے ٹی ٹوینٹی میچ میں 11 رنز سے کامیابی حاصل کی لیکن سابق چیف سلیکٹر اور کپتان انضمام الحق قومی ٹیم کی کارکردگی سے مطمئن نہیں ہیں۔

تفصیلات کے مطابق قومی ٹیم کے سابق کپتان انضمام الحق نے اپنے یوٹیوب چینل پر کہا کہ مڈل آرڈر گرین شرٹس کی کمزور کڑی ثابت ہورہی ہے، ایسا محسوس ہوتا ہے کہ ٹاپ تھری بیٹسمینوں کے بعد ٹیل اینڈرز کریز پر آرہے ہیں۔

انہوں نے کہا کہ کھلاڑیوں کو اپنی ذمہ داری کو سمجھتے ہوئے غلطیوں سے سبق سیکھ کر کارکردگی دکھانا ہوگی۔

انضمام الحق نے کہا کہ ابھی تو ٹیم جیت رہی ہے اگر ایسا نہ ہوا تو توقعات پر پورا نہ اترنے والے کرکٹرز پر دباؤ اور زیادہ بڑھ جائے گا، ٹیم مینجمنٹ نے بھی کھلاڑیوں کے بارے میں تجربہ حاصل کرلیا، انہیں اب بہتری پر بھرپور توجہ دینے کی ضرورت ہے۔

سابق کپتان نے کہا کہ بڑی خوش قسمتی کی بات ہے کہ ٹاپ آرڈر بیٹنگ مسلسل عمدہ پرفارم کرتے ہوئے میچز جتوا رہی ہے ورنہ اتنی کمزور مڈل آرڈر کی وجہ سے بڑی مشکلات کا سامنا کرنا پڑتا۔

انضمام الحق نے رضوان کی تعریف کرتے ہوئے کہا کہ بابر کے بعد رضوان بھی ایک ایسے بیٹسمیین بن چکے ہیں جن پر ٹیم بھروسہ کرسکتی ہے، دونوں سیٹ ہونے کے بعد اننگز کے اختتام تک جانے کی کوشش کرتے ہیں۔

انہوں نے کہا کہ ٹیم مینجمنٹ نے بھی کھلاڑیوں کے بارے میں تجربہ حاصل کرلیا، انہیں اب بہتری پر بھرپور توجہ دینے کی ضرورت ہے۔

Comments

یہ بھی پڑھیں