پاکستان اپیرل فورم کے سربراہ جاوید بلوانی نے کہا ہے کہ پاکستان کی تاریخ میں پہلی بار ٹیکسٹائل میں 20 ارب ڈالرز کی برآمدات ہوئیں۔

تفصیلات کے مطابق پاکستان اپیرل فورم کے سربراہ جاوید بلوانی نے ایک بیان میں حکومت سے مطالبہ کیا ہے کہ سر مایہ کاروں کی مشینری آگئی، ایکسپورٹ بھی ہورہی ہے، ریفنڈ بھی دیا جائے۔

انکا کہنا تھا کہ مارکیٹ میں پیسہ نہ ہونے سےکمپنیوں کی پیداوار 50 فیصد کم ہوگئی ہے، اسحاق ڈار سے بات ہوئی تھی کہ کراچی آئیں۔

جاوید بلوانی کا کہنا ہے تھا کہ انہوں نے کہا کہ آئی ایم ایف سے بات چیت کے بعد کراچی آؤنگا، ہمارے ریفنڈ نہیں آرہے  کیا کریں ،فیکٹریاں چلانا ممکن  نہیں رہے گا۔