واشنگٹن : امریکا نے کہا ہے کہ پاکستان کے ساتھ مل کر خطے میں دہشت گرد گروہوں سے نمٹنے کا عزم رکھتے ہیں، مانتے ہیں پاکستان نے انسداد دہشت گردی کے لئے بہت سے اقدامات کیے۔،
اس حوالے سے پریس بریفنگ دیتے ہوئے ترجمان امریکی محکمہ خارجہ کے ترجمان میتھوملر نے کہا کہ کئی برسوں تک پاکستانی عوام دہشت گردی سے بہت متاثرہوئے، اور پاکستان نے بھی دہشت گردی کے تدارک کے لئے بہت سے اقدامات کیے، ان اقدامات میں ساجد میرکی گرفتاری اور سزا بھی شامل ہے۔
ترجمان میتھوملر کا کہنا تھا کہ بھارت اور پاکستان سے کہتے ہیں کہ لائن آف کنٹرول پر سیز فائر جاری رکھیں، پاکستان بھی دہشت گرد گروہوں پر پابندی جاری رکھنے کیلئے اقدامات کرتا رہے۔
امریکی محکمہ خارجہ کے ترجمان نے کہا کہ ہم پاکستانی حکام سے اس سلسلے میں مسلسل رابطے میں رہتے ہیں، پاکستان 2023کےانسداد دہشت گردی کے ڈائیلاگ کا حصہ تھا۔
انہوں نے مزید کہا کہ انسانی حقوق کے معاملے پر بھارت سے تشویش کا اظہار کرتے رہتے ہیں، صدر جوبائیڈن نے بھی اپنی پریس کانفرنس میں اس مسئلے کو اٹھایا تھا۔
