پاکستان اور آسٹریلیا کے خلاف تین ون ڈے میچوں کی سیریز کل سے شروع ہو رہی ہے پہلے میچ کے لیے گرین شرٹس پلیئنگ الیون کا اعلان کردیا گیا ہے۔
پاکستان اور آسٹریلیا کے درمیان تین ون ڈے میچوں کی سیریز کا آغاز کل سے میلبرن سے ہوگا۔ پہلے ون ڈے میچ کے لیے گرین شرٹس کی پلیئنگ الیون کا اعلان کر دیا گیا ہے۔
محمد رضوان (کپتان)، سلمان علی آغا (نائب کپتان)، عبداللہ شفیق، صائم ایوب، بابر اعظم، کامران غلام، محمد عرفان خان، شاہین شاہ آفریدی، نسیم شاہ، حارث رؤف اور محمد حسنین۔
View this post on Instagram
محمد رضوان کا بطور کپتان یہ پہلا اسائنمنٹ ہیں اور ان کا کہنا ہے کہ بابر اعظم، شاہین شاہ آفریدی اور نسیم شاہ کی پاکستان کے لیے بہت پُرفارمنس رہی ہیں۔ آج بابر اور شاہین کا نام اپنی پرفارمنس کی وجہ سے ہی ہے۔ نائب کپتان سلمان علی آغا کہتے ہیں کہ ٹیم کا ماحول خراب نہیں، سیریز کیلیے کافی پُر جوش ہیں۔
سیریز سے ایک روز قبل کھلاڑیوں کا فوٹو شوٹ ہوا جب کہ دونوں ٹیموں کی سیریز کے لے بھرپور تیاریاں جاری ہیں۔ قومی ٹیم پریکٹس سیشن میں بیٹنگ، بولنگ اور فیلڈنگ تینوں شعبوں میں بھرپور پریکٹس کرکے خامیاں دور کر رہی ہے۔
دوسری جانب آسٹریلیا میں گرین شرٹس کا ریکارڈ خراب ہے اور پاکستان ٹیم کینگروز کو ان کی سر زمین پر صرف ایک ہی ون ڈے سیریز ہرا سکی ہے۔
ہیڈ ٹو ہیڈ مقابلوں میں بھی آسٹریلیا کا پلڑا بھاری ہے۔ دونوں ٹیموں نے 104 میچز کھیل رکھے ہیں جس میں کینگروز نے 70 کامیابیاں سمیٹی ہیں جب کہ پاکستان کے ہاتھ 34 فتوحات آئی ہیں۔
دیکھنا ہوگا کہ محمد رضوان بطور کپتان آسٹریلیا کو اسی کی سر زمین پر ہرا کر اپنا نام ریکارڈ بک میں درج کرا سکیں گے یا تاریخ پھر اپنے آپ کو دہرائے گی۔
سیریز کا پہلا میچ کل میلبرن میں، دوسرا 8 نومبر کو ایڈیلیڈ میں جب ک تیسرا اور آخری میچ 10 نومبر کو پرتھ میں کھیلا جائے گا۔ تمام میچز پاکستانی وقت کے مطابق صبح ساڑھے 8 بجے شروع ہوں گے۔
