دبئی : پاکستان اورنیوزی لینڈ کے درمیان سیریز کا دوسرا ٹی ٹوئنٹی آج دبئی میں کھیلا جائے گا۔ گرین شرٹس کو ریکارڈ مسلسل گیارہویں سیریز اپنے نام کرنے کے لیے ایک فتح درکار ہے۔
تفصیلات کے مطابق پاکستان اور نیوزی لینڈ کے درمیان ٹی ٹوئٹنی سیریز کا دوسرا میچ آج دبئی میں کھیلا جائے، میچ پاکستانی وقت کے مطابق رات 9 بجے شروع ہوگا۔
اوپننگ بیٹسمین فخر زمان کی نیوزی لینڈ کے خلاف دوسرے ٹی ٹوئنٹی میں شرکت فٹنس سے مشروط ہوگی۔
کیویز کے خلاف 0-2 کی فیصلہ کن برتری کے ساتھ قومی کرکٹ ٹیم سرفراز احمد کی قیادت میں مسلسل گیارویں سیریز اپنے نام کرسکتا ہے۔
پہلا ٹی ٹوئنٹی: پاکستان نے نیوزی لینڈ کو 2 رنز سے شکست دے دی
یاد رہے کہ گزشتہ روز پاکستان نے نیوزی لینڈ کو پہلے ٹی ٹوئنٹی میچ میں 2 رنز سے شکست دی، تھی، محمد حفیظ کو میچ کا بہترین کھلاڑی قرار دیا گیا تھا۔
واضح رہے کہ پاکستان اور نیوزی لینڈ کے درمیان متحدہ عرب امارات میں 3 ٹی ٹوئنٹی، 3 ون ڈے اور 3 ٹیسٹ میچز پرمشتمل سیریز کھیلی جائے گی۔
