The news is by your side.

Advertisement

‏’پاکستان امریکا سے روایتی باہمی رابطوں کو برقرار رکھنے کا خواہاں ہے‘‏

آرمی چیف جنرل قمر جاوید باجوہ نے کہا ہے کہ پاکستان امریکاسےروایتی باہمی رابطوں کو برقرار ‏رکھنے کا خواہاں ہے پاکستان دورس اور کثیرالجہتی تعلقات کا فروغ چاہتا ہے۔

پاک فوج کے شعبہ تعلقات عامہ آئی ایس پی آر کے مطابق امریکی ناظم الامور انجیلا ایگلر نے جی ‏ایچ کیو راولپنڈی کا دورہ کیا جہاں انہوں نے آرمی چیف جنرل قمرجاویدباجوہ سے ملاقات کی۔

ملاقات میں باہمی دلچسپی، علاقائی سیکیورٹی، افغانستان کی صورتحال پر گفتگو ہوئی جب کہ ‏مختلف شعبوں میں باہمی تعاون سے متعلقہ امور زیر غور آئے۔

اس موقع پر آرمی چیف جنرل قمر جاوید باجوہ نے کہا کہ پاکستان امریکاسےروایتی باہمی رابطوں ‏کو برقرار رکھنے کا خواہاں ہے پاکستان دورس اور کثیرالجہتی تعلقات کا فروغ چاہتا ہے۔

امریکی ناظم الامور نے خطے میں امن واستحکام کیلئے پاکستان کی کوششوں کی تعریف کی اور ‏افغان امن عمل میں پاکستان کےمتحرک کردار کو سراہا۔

Comments

یہ بھی پڑھیں