سنچورین: پاکستان نے جنوبی افریقہ کو تیسرے ون ڈے میچ میں 28 رنز سے شکست دے کر سیریز اپنے نام کرلی۔
تفصیلات کے مطابق سنچورین میں کھیلے جانے والے فیصلہ کن معرکے میں جنوبی افریقی ٹیم 321 رنز کے تعاقب میں 49.3 اوورز میں 292 رنز بناسکی، قومی ٹیم نے سیریز 2-1 سے اپنے نام کرلی۔
ملان، فلک وایو اور کائل ویرینے کی نصف سنچریاں بھی جنوبی افریقہ کو شکست سے نہ بچاسکیں، ملان نے 70 رنز کی اننگز کھیلی، فلاک وائیو اور کائل ویرینے بالترتیب 54 اور 62 رنز بناسکے۔
اوپنر مرکرام 18 رنز بنا کر شاہین شاہ آفریدی کا نشانہ بنے، سمٹ کو 17 رنز پر عثمان قادر نے آؤٹ کیا، کلاسن 4 رنز بنا کر پویلین لوٹ گئے۔
Fakhar and Babar set the base with the bat, after which Mohammad Nawaz's key strikes led Pakistan to a series win. #SAvPAK
— ESPNcricinfo (@ESPNcricinfo) April 7, 2021
کیشو مہاراج کو 19 رنز پر شاہین شاہ آفریدی نے بولڈ کیا، بیرن ہینڈرس ایک رن بناسکے۔
پاکستان کی جانب سے محمد نواز اور شاہین آفریدی نے تین کھلاڑیوں کو پویلین کی راہ دکھائی جبکہ حارث رؤف نے دو وکٹیں حاصل کیں۔
اس سے قبل پاکستان نے جنوبی افریقا کو جیت کے لئے 321 رنز کا ہدف دیا تھا۔
پاکستان کی جانب سے اوپنر فخر زمان نے مسلسل دوسرے میچ میں پروٹیز کے خلاف دوسری سینچری اسکور کی، فخر زمان 101 رنز بناکر آؤٹ ہوئے، امام الحق نے 57 رنز بنائے۔
کپتان قومی ٹیم بابر اعظم نے 94 رنز کی دلکش اننگز کھیلی، وہ میچ کے آخری بال پر چھکا مارنے کی کوشش میں آؤٹ ہوئے، بابر اعظم کی اننگز میں 7 چوکے اور 3 چھکے شامل تھے۔
میچ کے آخری لمحات میں فاسٹ بولر حسن علی نے کپتان بابراعظم کے ساتھ مل کر 24 گیندوں پر 36 رنز کی شراکت داری قائم کی، حسن علی نے ایک اوورز میں چار چھکے بھی جڑتے ہوئے محض 11 گیندوں پر 32 رنز بنائے۔
Innings Break
Pakistan set South Africa a target of 321 runs.
Scorecard: https://t.co/tFtjG0X22P#SAvPAK | #HarHaalMainCricket | #BackTheBoysInGreen pic.twitter.com/8vqHFEjOFz
— Pakistan Cricket (@TheRealPCB) April 7, 2021
طویل عرصے بعد فائنل الیون میں شامل ہونے والے سرفراز احمد قابل ذکر کارکردگی نہ دکھاسکے اور 13 رنز بناکر آؤٹ ہوئے، وکٹ کیپر محمد رضوان 2، آل راؤنڈر فہیم اشرف 1 اور محمد نواز 4 رنز بناسکے۔
جنوبی افریقا کی جانب سے کیشومہاراج نے تین کھلاڑیوں کو آؤٹ کیا، ایڈن مکرم نے دو جبکہ جے جے سمٹ نے ایک وکٹ حاصل کیں۔
فیصلہ کن معرکے کے لئے قومی ٹیم میں چار تبدیلیاں کیں گئیں ، طویل عرصے سے اسکواڈ میں شامل وکٹ کیپر سرفراز احمد آج فائنل الیون میں شامل ہوئے ، اس کے علاوہ فاسٹ بولر حسن علی ، محمد نواز بھی ٹیم کا حصہ بنے، ساتھ ہی عثمان قادر کو ڈے ڈیبیو کرایا گیا۔
آصف علی ، دانش عزیز، محمد حسنین کو ڈراپ کیا گیا جبکہ انجرڈ شاداب خان سیریز سے باہر ہوچکے ہیں۔
Playing XI for the third #SAvPAK ODI!#HarHaalMainCricket | #BackTheBoysInGreen pic.twitter.com/7facIYmxBk
— Pakistan Cricket (@TheRealPCB) April 7, 2021
پاکستانی اسکواڈ میں امام الحق، فخر زمان، بابراعظم ، محمد رضوان، سرفراز احمد، محمد نواز، فہیم اشرف، حسن علی ،شاہین شاہ آفریدی، عثمان قادر اور حارث روف شامل تھے۔
Pakistan team training session on the eve of the third #SAvPAK ODI.#HarHaalMainCricket | #BackTheBoysInGreen pic.twitter.com/CdYN2sQYWQ
— Pakistan Cricket (@TheRealPCB) April 6, 2021
دوسری جانب نجی لیگ میں شرکت کے باعث جنوبی افریقہ کی آدھی ٹیم تبدیل کی گئی ، رباڈا، نورکیا، ملر،ڈی کوک،اورانگیڈی آج کے اہم ترین معرکے میں ٹیم کا حصہ نہیں تھے، میچ سے قبل جنوبی افریقہ کے وین ڈرڈوسن انجری کے باعث تیسرے ون ڈے سے باہر ہوئے۔
یہ بھی پڑھیں: فیصلہ کن معرکہ، جنوبی افریقہ 5 اہم کھلاڑیوں سے محروم
قومی کرکٹ ٹیم نے سال دوہزار تیرہ میں پہلی بار پروٹیز کے ہوم گراؤنڈ میں ایک روزہ سیریز اپنے نام کی تھی۔
یاد رہے کہ سیریز کے پہلے ون ڈے میں پاکستان نے جنوبی افریقہ کو تین وکٹ سے ہرایا جب کہ دوسرے ٹاکرے میں میزبان ٹیم نے17 رنز سے کامیابی حاصل کی تھی، آج پاکستان ٹیم فتح یاب ہوتی ہے تو تاریخ رقم ہوگی۔
