بانی ایم کیو ایم کے خلاف منی لانڈرنگ کیس کیوں ختم کیا؟ پاکستان کا برطانیہ سے سوال
The news is by your side.

Advertisement

منی لانڈرنگ کیس کیوں ختم کیا؟ حکومت کا برطانیہ کو خط

اسلام آباد : حکومت پاکستان نے بانی متحدہ قومی موومنٹ کے خلاف منی لانڈرنگ کا مقدمہ ختم کرنے کے حوالے سے برطانوی حکومت کو خط لکھ دیا.

تفصیلات کے مطابق حکومتِ پاکستان نے مذکورہ خط برطانوی حکومت سے بانی ایم کیو ایم کے خلاف منی لانڈرنگ کیس ختم کرنے کی وجوہات معلوم کرنے کے لیے لکھا ہے۔

اے آر وائی نیوز کے رپورٹر ذوالقرنین حیدر کے مطابق مراسلے میں بانی ایم کیو ایم کے خلاف منی لانڈرنگ کیس ختم کرنے پر تحفظات کا اظہار کرتے ہوئے اس فیصلے پر نظر ثانی کی اپیل کی گئی ہے۔


*بانی ایم کیو ایم پر منی لانڈرنگ کیس کی تحقیقات نہیں ہونگی، وکلاء کو خط موصول


وزارتِ داخلہ پاکستان کی جانب سے لکھے گئے مراسلے میں برطانوی حکومت سے بانی ایم کیو ایم پاکستان کے خلاف ختم کیے گئے منی لانڈرنگ کیس کی تفصیلات طلب کی گئی ہیں۔


ایم کیو ایم کے قائد الطاف حسین لندن میں گرفتار*


ذرائع کے مطابق مراسلے میں منی لانڈرنگ کے مقدمات ختم کرنے پر تشویش ظاہر کرتے ہوئے حکومت پاکستان نے برطانوی حکومت سے اس کیس سے جڑے شواہد کی تفصیلات مانگ لی ہیں۔

مراسلے میں سوال پوچھا گیا ہے کہ بانی ایم کیو ایم کے خلاف ختم کیے گئے کیس کس بنیاد پر ختم کیے گئے؟ جب کہ اس حوالے سے ہونے والی تحقیقات اور شواہد کی تفصیلات کیا ہیں؟ جنہیں حکومتِ پاکستان کے ساتھ بھی شیئر کیا جائے۔

Comments

comments

یہ بھی پڑھیں