لاہور: پاکستانی اداکارہ عائزہ خان اور دانش تیمور آج اپنی شادی کی پہلی سالگرہ منارہے ہیں۔

عائزہ خان اور دانش تیمور پاکستان میں سب سے زیادہ مقبول مشہور جوڑے میں سے ایک ہیں، پاکستانی اداکارہ عائزہ خان اور دانش تیمور کی آج شادی کی پہلی سالگرہ ہے، دونوں کی شادی گزشتہ سال 8 اگست کو ہوئی تھی۔

یاد رہے کہ گزشتہ ماہ پاکستانی اداکار دانش تیمور اور عائزہ خان کے ہاں بیٹی کی پیدائش ہوئی تھی، جس پر دانش تیمور نے فیس بک پر خوشی کا اظہار کیا اور کہا تھا کہ ایک بیٹی کا باپ بننے پر فخر ہے اور اپنی بیٹی کا نام حوریاں تیمور رکھا تھا۔

عائزہ خان نے اپنے مداحوں کیلئے فیس بک پر اپنی شادی کی سالگرہ کی خبر پوسٹ کی، جس میں خوبصورت الفاظ میں اپنے شوہر دانش تیمور کی تعریف کرتے ہوئے کہا کہ ” ہمارے رشتہ کو ایک سال مکمل ہوگیا ہے، میں بہت خوش ہو کہ میری شادی ایسے شخص سے ہوئی جو لاکھوں میں ایک ہے” ۔