یو اے ای میں مقیم ایک خوش قسمت پاکستانی شہری کا لاٹری میں 40 لاکھ ڈالر کا انعام نکل آیا، محمد انعام گزشتہ دو سال سے قسمت آزمائی کر رہا تھا تاہم یہ پہلا موقع ہے کہ اس کی لاٹری نکل آئی۔
تفصیلات کے مطابق سوشل میڈیا پلیٹ فارم ایکس پر ’امارات ڈرا‘ نامی ہینڈل سے اعلان کیا گیا ہے کہ صرف 15 درھم کا ٹکٹ خریدنے والے محمد انعام نے ایک کروڑ 50 لاکھ درہم جیت لیے ہیں۔
ذرائع کا کہنا ہے کہ محمد انعام نامی پاکستانی ایک اماراتی کمپنی میں آڈیٹر کے طور پر کام کرتے ہیں۔ جب انہیں اس بھاری انعام کے نکلنے کی اطلاع فون پر دی گئی تو انھوں نے اسے مذاق سمجھا اور فون بند کر دیا۔ تاہم بعد میں انہیں رابطہ کر کے یقین دلایا گیا۔
With just an AED 15 ticket, Mohammad Inam from #Pakistan won AED 15 million!
Yes, it is that EASY! Buy your #EDEASY6 ticket now, match your 6 numbers to be our next multi-millionaire. #ForABetterTomorrow #EmiratesDraw #Win
— emiratesdraw (@emiratesdraw) December 29, 2023
محمد انعام نے اس انعام کے اعلان کے بعد بات کرتے ہوئے کہا کہ وہ حج کے لیے جانے کی خواہش رکھتے ہیں۔
واضح رہے متحدہ عرب امارات اس طرح کی انعامی سکیموں اور لکی ڈراز کی میزبانی کرتا رہتا ہے۔ ان میں سے اکثر میں بڑے انعامات لوگوں کے نام نکلتے ہیں۔ جن میں کیش کی بڑی بڑی رقمیں، پرتعیش گاڑیاں، ریئل اسٹیٹ سے متعلق جائیدادیں اور سونا بھی شامل ہوتا ہے۔