بریڈفورڈ: برطانیہ کے شہر بریڈ فورڈ میں نیشنل کرائم ایجنسی نے کارروائی کرتے ہوئے پاکستانی نژاد شخص کے ساڑھے 4 لاکھ پاؤنڈ سے زائد کے غیر قانونی اثاثے منجمد کر دیے۔

تفصیلات کے مطابق نیشنل کرائم ایجنسی نے پاکستانی نژاد شخص سے ساڑھے4 لاکھ پاؤنڈز سے زائد کےاثاثے ریکور کیے، پاکستانی شہری پر الزام تھا کہ اس نے فراڈ، منی لانڈرنگ اور ٹیکس چوری کے ذریعے اثاثے بنائے تھے۔

اثاثوں میں 5 مکانات اور نقد رقم شامل ہے، دوران تفتیش پاکستانی شہری اثاثوں کی منی ٹریل دینے میں ناکام رہا جس پر ہائیکورٹ نے نےجائیداد ضبط کرنے کے آرڈر جاری کیے۔

عدالتی حکم پر این سی اے نے پاکستانی شہری کے غیر قانونی اثاثے منجمد کردیے ہیں اور تفتیش کا دائر کار بڑھا دیا ہے۔

نیشنل کرائم ایجنسی کا کہنا ہے کہ ناجائز طریقے سے جائیدادیں بنانے والوں کا محاسبہ کریں گے اور ان کے خلاف سخت ایکشن لیں گے۔