site
stats
پاکستان

بھارت اپنے جھوٹ سے سچ کو نہیں چھپاسکتا، پاکستانی قونصلر

نیو یارک : اقوا م متحدہ میں پاکستانی قونصلر نے بھارت کو تیسرا جواب دے دیا۔ پاکستانی قونصلر ٹیپو عثمان نے کہا کہ بھارت اپنے مسلسل جھوٹ سے سچ کو نہیں چھپاسکتا۔ مسئلہ کشمیر پربھارت دنیاکی آنکھوں میں دھول جھونکناچاہتاہے۔

دنیا کی نظروں سے مقبوضہ کشمیر کا انسانی المیہ نہیں چھپ سکتا، خواتین سمیت کشمیریوں کو نابینا کرنا دنیاسے چھپانا ممکن نہیں ہے۔ بھارتی فوج مقبوضہ کشمیر میں خواتین کی عصمت دری،اور بزرگوں کا قتل عام کررہی ہے۔

نہتے کشمیریوں پر مظالم ڈھا کر بھارت نے ایک بار پھر مسئلہ کشمیر سے توجہ ہٹانے کی کوشش کی ۔ انہوں نے کہا کہ بھارتی حربےاورچالیں کشمیر کےحالات نہیں بدل سکتے، مقبوضہ کشمیر کااصل مسئلہ اقوام متحدہ کی قرارداد ہے۔

بھارت کشمیر پراقوام متحدہ کی قرارداد پرعمل نہیں ہونے دے رہا، اقوام متحدہ مقبوضہ کشمیر میں پیلٹ گن کا استعمال بند کرائے۔

ٹیپو عثمان کا کہنا تھا کہ اصل مسئلہ بھارت کا اقوام متحدہ کی قرارداد پر عملدرآمد نہ کرانا ہے۔ مقبوضہ کشمیر میں بھارتی ریاستی دہشت گردی کے لاتعداد ثبوت ہیں، کشمیری آزادی کیلئے سینوں پر گولیاں کھا کر شہید ہورہےہیں۔

پاکستانی قونصلر کا مزید کہنا تھا کہ بھارت تحریک طالبان اور جماعت الاحرار کو فنڈنگ کررہاہے، یہ دونوں کالعدم تنظیمیں پاکستان میں دہشت گردی کررہی ہیں، دنیا جان گئی ہے کہ ٹی ٹی پی،جماعت الاحرارکے پیچھے بھارتی ہاتھ ہے۔

انہوں نے کہا کہ پاکستان میں ہزاروں بے گناہ شہریوں کو دہشت گردی کانشانہ بنایاگیا، بھارت دہشت گردی کی فیکٹریاں بنارہاہے، کلبھوشن یادیو اوراس کے ساتھیوں کو قانون کےکٹہرے میں لائیں گے۔

پاکستانی قونصلر کا کہنا تھا کہ بھارت پاکستان کا سب سے بڑا دشمن ہے، کشمیریوں پرظلم وجبر میں ملوث بھارت ایک تصویر کے پیچھے چھپنا چاہتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top