پاکستانی کرکٹ ٹیم کے پلیئرز نے عالمی ایونٹ میں ملنے والے وقفے کو غنیمت جانت ہوئے کولکتہ میں شاپنگ کرلی۔
تفصیلات کے مطابق بھارت میں آئی سی سی کرکٹ ورلڈکپ کے لیے موجود پاکستانی کرکٹ اسکواڈ نے انگلینڈ کے خلاف اہم میچ سے قبل ملنے والے وقفے کو غنیمت جانتے ہوئے لگے ہاتھوں شاپنگ کرلی۔
ذرائع نے بتایا کہ شاپنگ کے لیے جانے والے پاکستانی کرکٹرز کے لیے بھارتی انتظامیہ نے سیکیورٹی کے خاطر خواہ انتظامات کیے تھے اور کھلاڑیوں نے سخت سکیورٹی میں شاپنگ کی۔
قومی کرکٹز نے شاپنگ کرتے ہوئے زیادہ ترک کپڑے خریدے۔ شاپنگ کرنے والوں میں عبداللہ شفیق، زمان خان، اسامہ میر، وسیم جونئیر اور نائب کوچ عبدالرحمان شامل ہیں۔
واضح رہے کہ اس سے قبلہ قومی کرکٹر حسن علی کی اہلیہ سامعہ خان کے ساتھ کولکتہ سے تصویر وائرل ہوئی تھیں۔ انسٹاگرام پر سامعہ نے شوہر حسن علی کے ساتھ تصویر شیئر کی جس میں انھیں خوشگوار موڈ میں کسی شاپنگ مال کے اطراف دیکھا جاسکتا ہے۔
سامعہ خان نے تصویر شیئر کرتے ہوئے بتایا کہ وہ کولکتہ میں موجود ہیں۔ ان کی شیئر کردہ تصویر کو ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
واضح رہے کہ قومی کرکٹر حسن علی ورلڈ کپ میں قومی ٹیم کے ساتھ بھارت موجود ہیں جبکہ بھارت سے تعلق رکھنے والی ان کی اہلیہ سامعہ بھی ان کے ہمراہ ہیں۔
