قومی کرکٹرز کو اچھی کارکردگی پر ہر میچ میں ٹیم منیجمنٹ کی جانب سے میچز میں بہترین کارکردگی دکھانے پر کھلاڑیوں کو ایوارڈز دینے کا سلسلہ شروع کیا ہے۔
نیوزی لینڈ کے خلاف پاکستان نے دوسرا ٹی ٹوئنٹی میچ با آسانی 7 وکٹوں سے جیتا۔ فتح کا کریڈٹ بولرز کو جاتا ہے جنہوں نے کیویز کو 90 رنز پر ڈھیر کیا۔ 13 رنز دے کر 3 وکٹیں لینے والے شاہین شاہ آفریدی کو میچ کا بہترین کھلاڑی دیا گیا تو سینیئر بولر محمد عامر نے 13 رنز کے عوض 2 کھلاڑیوں کو پویلین بھیج کر چار سال بعد قومی ٹیم میں واپسی کا شاندار جشن منایا۔
قومی کرکٹرز کی اس انفرادی کارکردگی کو پاکستان کرکٹ ٹیم منیجمنٹ کی جانب سے کھلاڑیوں کو ایوارڈز دینے کا سلسلہ شروع کیا گیا ہے اور دوسرے میچ میں شاہین شاہ آفریدی اور محمد عامر کو اعزازات دیے گئے۔
سینیئر ٹیم منیجر وہاب ریاض نے ایوارڈ دینے کی روایت کا آغاز کرتے ہوئے شاہین شاہ آفریدی کو بہترین فیلڈر کا ایوارڈ دیا جب کہ محمد عامر کو امپیکٹ پلیئر کا ایوارڈ دیا گیا۔
وہاب ریاض نے سینیئر بولر محمد عامر کو میچ بال پیش کی۔
اس موقع پر وہاب ریاض کا کہنا تھا کہ کھلاڑیوں کی کارکردگی دیکھ کر ان کی حوصلہ افزائی کے لیے نئی روایت قائم کی جا رہی ہے۔ ابرار احمد اور محمد رضوان نے بھی میچ میں بہترین کارکردگی کا مظاہرہ کیا۔
