پاکستان ٹیم کے فاسٹ بولر حسن علی گراؤنڈ میں موجود کرکٹ فینز میں سے ایک کی تنقید پر آگ بگولہ ہوگئے جس کی ویڈیو وائرل ہوگئی۔
قومی ٹیم کے فاسٹ بولر حسن علی کی حال ہی میں آسٹریلیا کے خلاف ہونے والی ٹیسٹ سیریز کے بعد ایک ویڈیو سامنے آئی ہے جس میں انہیں غصے میں دیکھا جاسکتا ہے۔
A Pakistani fan to Hasan Ali
"Let me teach you how to catch a ball."pic.twitter.com/53NII1unvE
— ٰImran Siddique (@imransiddique89) January 7, 2024
ویڈیو میں حسن علی کو آسٹریلیا کے خلاف تیسرے ٹیسٹ کے اختتام کے بعد فینز کو آٹوگراف دینے کیلئے بڑھتے دیکھا جاسکتا ہے۔
اسی دوران اسٹیڈیم میں موجود ایک شخص نے حسن علی کو کیچ نہ پکڑنے پر طنز کیا اور کہا کہ ’یہاں آؤ، میں تمہیں کیچ پکڑنے کا طریقہ سکھاؤں‘۔
اس طنز پر فاسٹ بولر حسن علی غصے میں آگئے اور ہجوم میں موجود شخص کو جواب دیے بغیر نہ رہ سکے، حسن نے کہا ’آجاؤ ادھر کون مجھے کیچ پکڑنا سکھانا چاہتا ہے؟ آؤ ادھر‘!۔
