کرکٹ میچوں کے دوران اکثر اوقات نت نئے ریکارڈ قائم ہوتے رہتے ہیں ان میں سے کچھ ایسے ہوتے ہیں جنہیں توڑنا یا ان تک پہنچنا انتہائی مشکل ہوتا ہے، ایک ایسا ہی قابل فخر ریکارڈ پاکستانی باپ بیٹے نے بھی بنایا ہے۔
جی ہاں !! مری سے تعلق رکھنے والے ندیم عباسی اور ان کے بیٹے نے دنیائے کرکٹ میں ایسا قابل فخر ریکارڈ قائم کیا جس نے پاکستانی کرکٹ شائقین کو بھی خوش کردیا۔
ندیم عباسی اور ان کے صاحبزادے پاکستان اور کینیڈا کی نیشنل ٹیم میں اپنی کارکردگی کے جوہر دکھا چکے ہیں، باپ کے بعد بیٹے نے بھی حال ہی میں دو مختلف ٹیموں میں کھیلتے ہوئے نیا ریکارڈ قائم کیا۔ علی ندیم عباسی نے کینیڈا کی قومی کرکٹ ٹیم میں شاندار کارکردگی کا مظاہرہ کرتے ہوئے اپنا ڈیبیو کیا۔
اے آر وائی نیوز مری کے نمائندے ارسلان ایاز سے خصوصی گفتگو کرتے ہوئے ندیم عباسی نے بتایا کہ انہوں نے سال 1987 میں قومی ٹیم میں بحیثیت وکٹ کیپر بیٹمسین پاکستان کی نمائندگی کی تھی، انہوں نے بتایا کہ یہ وہ سیریز تھی جس میں اور بھی نامور کھلاڑیوں نے ڈیبیو کیا جس میں وقار یونس اور سچن ٹنڈولکربھی شامل ہیں۔
بھارت کیخلاف کھیلی جانے والی ٹیسٹ سیریز میں بحیثیت وکٹ کیپر ندیم عباسی نے کپتان عمران کان کی گیند پر سچن ٹنڈولکر کا یادگار کیچ پکڑا۔
اس کے علاوہ ان کے کیریئر کا پہلا کیچ وسیم اکرم کی گیند پر بھارتی اوپننگ بیٹسمین نجوت سنگھ سدھو کا تھا۔
