میڈیا واچ ڈاگ کی رپورٹ میں انکشاف ہوا ہے کہ پاکستان میں صحافیوں کے لیے 2024 بد ترین سال رہا، 6 صحافی اپنی جاں سے گئے جب کہ 57 صحافیوں کو رپورٹنگ کے دوران تشدد اور دیگر مسائل کا سامنا رہا۔

میڈیا واچ ڈوگ فریڈم نیٹ ورک کی جاری کردہ رپورٹ میں پاکستان کے صحافیوں کی حفاظت کے حوالے سے 2024 کو خطرناک اور بدترین سال قرار دیا گیا ہے۔

رپورٹ کے مطابق اس سال 6 صحافی جاں بحق ہوئے جب کہ 11 پر قانلانہ حملے ہوئے، اور 57 کو مختلف نوعیت کے مسائل کا سامنا رہا، جن میں دھمکیاں، حملے اور ہراسانی شامل ہیں۔

ٹی وی صحافیوں کو سب سے زیادہ مسائل کا سامنا رہا، رپورٹ کے مطابق 9 فی صد خواتین صحافیوں کو بھی دھمکیوں اور ہراسمنٹ کا سامنا رہا, جس میں سرکاری عہدے داروں کے علاوہ سیاسی جماعتوں کے کارکنان اور کئی دیگر عناصر ملوث پائے گئے ہیں۔

ویڈیو رپورٹ: پاکستان میں 14 لاکھ بچے بھوک یا غذائیت کی کمی کی حالت میں پیدا ہوئے

وفاقی اور صوبائی حکومتوں کی جانب سے حفاظتی قوانین کے نفاذ کے باوجود صحافی مسائل کا شکار ہیں، رپورٹ کے مطابق سندھ سب سے زیادہ خلاف ورزیاں ریکارڈ کی گئیں، دوسرے نمبر پر پنجاب اور تیسرے نمبر پر اسلام آباد صحافی برادری کے لیے خطرناک ترین مقامات رہے۔