پاکستان ویمنز ٹیم کی اسپنر سعدیہ اقبال اونچی اڑان اڑتے ہوئے آئی سی سی رینکنگ میں ٹی 20 کی نمبر ون بولر بن گئی ہیں۔
انٹرنیشنل کرکٹ کونسل (آئی سی سی) نے ٹی ٹوئنٹی فارمیٹ کی نئی رینکنگ جاری کر دی ہے۔ ویمنز بولرز کی ریکنگ میں پاکستان کی اسپنر سعدیہ اقبال نے اس رینکنگ میں اونچی اڑان اڑتے ہوئے ایک بار پھر پہلی پوزیشن حاصل کر لی ہے۔
سعدیہ اقبال جو اس سے قبل بولرز رینکنگ میں دوسرے نمبر پر تھیں۔ ایک درجہ ترقی پا کر پہلی پوزیشن پر پہنچ گئی ہے۔ اس سے قبل وہ گزشتہ برس اکتوبر میں بھی ٹاپ رینکنگ کا مزا چکھ چکی ہیں۔
آئی سی سی ٹی ٹوئنٹی ویمنز بولرز رینکنگ میں قومی بولر نشرح سندھو کا آٹھواں نمبر ہے۔
واضح رہے کہ پاکستان کی سابق کپتان ثنا میر دوسری واحد پاکستانی خاتون ہیں جنہوں نے 2018-19 میں آئی سی سی ون ڈے پلیئر رینکنگ میں ٹاپ پوزیشن حاصل کی تھی۔
