پاکستانی طالبات کی فارمولا ریس کار نے سب کو پچھاڑ دیا -
The news is by your side.

Advertisement

پاکستانی طالبات کی فارمولا ریس کار نے سب کو پچھاڑ دیا

پاکستانی طالبات کی بنائی گئی فارمولا ریس کار نے برطانیہ میں منعقد ہونے والے مقابلےمیں پہلی پوزیشن حاصل کرلی۔

صرف طالبات پر مشتمل 15 رکنی یہ ٹیم نیشنل یونیورسٹی آف سائنس و ٹیکنالوجی (نسٹ) اسلام آباد کی ہے جنہوں نے فارمولا مقابلہ کے لیے ایک نشست کی فارمولہ کار تیار کی ہے۔

یہ کار کسی میکینکل انجینیئر کی مدد کے بغیر تیار کی گئی ہے. ٹیم میں شامل تمام 15 لڑکیوں میں کوئی بھی مکینیکل انجینیئر نہیں بلکہ یہ الیکٹریکل انجینیئر، انڈسٹریل ڈیزائنرز اور بزنس مینجمنٹ کی تعلیم حاصل کر رہی ہیں۔

یہ کار برطانیہ میں سلور اسٹون سرکٹ کی جانب سے منعقدہ اسٹوڈنٹس فارمولہ مقابلے کے لیے تیار کی گئی جس میں دنیا بھر کے ہونہار طلبا و طالبات حصہ لیتے ہیں۔

پاکستان طالبات کی اس کار کو مقابلے میں پہلی پوزیشن کے ایوارڈ سے نوازا گیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں