The news is by your side.

Advertisement

قومی کرکٹ ٹیم میں ’ارطغرل غازی‘ کون ہے؟

سابق کپتان اظہر علی نے قومی کرکٹ ٹیم کے ایک کھلاڑی کو ’ارطغرل غازی‘ قرار دے دیا۔

قومی کرکٹ ٹیم کے سابق کپتان اظہر علی نے بائیں ہاتھ سے بیٹنگ کرنے والے کھلاڑی فواد عالم کو گزشتہ روز مشکلات کے باوجود سنچری کرنے پر ارطغرل غازی قرار دیا۔

انہوں نے سماجی رابطے کی ویب سائٹ ٹویٹر پر فواد عالم اور ترک ڈرامہ سیریل ارطغرل غازی کے مرکزی کردار کی تصویر شیئر کی۔

ایک تصویر میں اینگین آلتن گھوڑے پر بیٹھے جبکہ دوسری تصویر میں فواد عالم اپنی سنچری پر جشن مناتے ہوئے نظر آرہے ہیں۔

مزید پڑھیں: فواد عالم کے لیے یونس خان خوش قسمت ثابت ہوگئے

سابق کپتان نے فواد عالم کی بیٹنگ کی تعریف کرتے ہوئے لکھا کہ ’شیر دل فواد عالم باہمت اور پُرعزم شخصیت کے مالک ہیں‘۔

واضح رہے کہ پاکستان اور نیوزی لینڈ کے درمیان کھیلا گئے پہلا ٹیسٹ میچ میں نیوزی لینڈ فاتح رہا مگر فواد عالم کی پراعتماد بیٹنگ ساری دنیا کی توجہ کا مرکز بنی اور انہوں نے سب کے دل جیت لیے۔

سنچری اسکور کرنے کے بعد فواد عالم نے مخصوص انداز سے جشن منایا اور بعد میں بتایا کہ انہوں نے ارطغرل غازی کے ایک ایکشن کو پچ کر کھڑے ہوکر دہرایا تھا۔

فواد نے بتایا کہ انہیں اس طرح جشن منانے کا مشورہ اظہر علی (اجو بھائی) نے دیا تھا اور کہا تھا کہ سنچری بنا کر اسی طرح خوشی کا اظہار کرنا۔

Comments

یہ بھی پڑھیں