پاکستان ویمنز کرکٹ ٹیم کی پلیئرز نے انگلینڈ کے خلاف تیسرے ٹی ٹوئنٹی مقابلے سے قبل پاکستان مینز کرکٹرسے لیڈز میں ملاقات کی۔
تفصیلات کے مطابق قومی خواتین کرکٹرز نے انگلینڈ میں موجود پاکستانی کپتان بابر اعظم، شاہین شاہ آفریدی، وہاب ریاض، محمد عامر و دیگر سے ملاقات کی جبکہ قومی مرد کرکٹرز نے خواتین کرکٹرز کا حوصلہ بڑھایا۔
سینئر منیجر اور کھلاڑیوں کی جانب سے دورہ انگلینڈ پر ویمنز کرکٹرز کیلئے نیک خواہشات کا اظہار کیا گیا۔
پاکستان ویمنز کرکٹ ٹیم آج انگلینڈ کیخلاف ہیڈنگلے میں تیسرا ٹی ٹوئنٹی کھیلے گی، پاکستان مینز کرکٹ ٹیم 4 ٹی ٹوئنٹی میچز کی سیریز کا پہلا میچ 22 مئی کو کھیلے گی۔
واضح رہے کہ پاکستان اور انگلینڈ ویمنز ٹیم کے درمیان ہونے والے ٹی 20 سیریز کے دوسرے میچ میں انگلش ٹیم نے پاکستان کو 65 رنز سے شکست دی تھی۔
3 میچوں کی سیریز کے افتتاحی میچ میں بھی پاکستان ویمنز ٹیم کو انگلش ویمنز ٹیم کے ہاتھوں 53 رنز سے ہزیمت کا سامنا کرنا پڑا تھا۔
