The news is by your side.

Advertisement

دبئی میں‌ مقیم پاکستانی کی ملک سے لازوال محبت

سمندر پار مقیم پاکستانی شہریوں کی اپنے وطن سے محبت کسی سے ڈھکی چھپی نہیں یہی وجہ ہے کہ وہ ہر موقع پر سبز ہلالی پرچم کی سربلندی اور ملک کا نام روشن کرنے کے لیے کوشاں ہوتے ہیں۔

ویسے تو دنیا کے تقریباً تمام ہی ممالک میں پاکستانی شہری موجود ہیں البتہ عرب ممالک میں پاکستانی نوجوانوں کی تعداد زیادہ ہے جہاں وہ رزق حلال کما کر نہ صرف اپنے معاشی معاملات چلاتے ہیں بلکہ پاکستان میں موجود اپنے اہل خانہ کو رقم بھیج کر خاندان اور وطن دونوں کی خدمت کرتے ہیں۔

سمندر پار پاکستانیوں کی خدمات کو دیکھتے ہوئے وزیراعظم عمران خان نے اُن کے لیے مختلف اقدامات بھی کیے، حال ہی میں حکومت نے سمندر پار پاکستانیوں کے لیے ڈیجیٹل روشن پاکستان اکاؤنٹ پروگرام کا آغاز کیا۔

پروگرام کے آغاز کے بعد سے بیرونِ ملک میں مقیم پاکستانیوں کو سہولت مل گئی ہے کہ وہ کسی بھی ملک میں رہتے ہوئے اسٹیٹ بینک سے منسلک پاکستان کے 8 بڑے بینکوں میں اپنے اکاؤنٹس کھلوا سکتے ہیں اور اپنے اہل خانہ کو رقم بھیج سکتے ہیں۔

مزید پڑھیں: سمندر پار مقیم پاکستانی ملک کا اہم اثاثہ ہیں، وزیراعظم

یہ بھی پڑھیں: ڈیجیٹل روشن پاکستان اکاؤنٹ، سمندر پار پاکستانیوں‌ کے لیے وزیراعظم کا ایک اور تحفہ

پاکستانی اداکار و گلوکار فخر عالم نے سماجی رابطے کی ویب سائٹ پر دو تصاویر ٹویٹ کیں جس کو دیکھتے ہوئے اس بات کا اندازہ ہوتا ہے کہ وہ دبئی میں ہیں۔

فخر عالم نے جو تصاویر ٹویٹ کیں اُن میں ایک موٹرسائیکل پر رکھے ہوئے بیگ کی پشت پر پاکستان کا پرچم بنا نظر آرہا ہے۔

پاکستانی اداکار و گلوکار نے لکھا کہ ’میں نے دیکھا یہ سمندر پار مقیم پاکستانی دبئی میں ایک ڈلیوری سروس کمپنی میں کام کررہا ہے اور وہ ہر جگہ فخر سے پاکستانی جھنڈا لے کر چلتا ہے‘۔

انہوں نے لکھا کہ ’مجھے اس کا جذبہ پسند آیا کیونکہ وہ اپنے ملک ، گھر اور اہل خانہ سے دور ضرور ہے مگر اُس کے دل میں پاکستان کی محبت  اور چمک ہے‘۔

Comments

یہ بھی پڑھیں