اسلام آباد: اے آر وائی نیوز کی خبر پر لیبیا میں قید پاکستانیوں کی خبر گیری کے لیے دفتر خارجہ متحرک ہو گیا ہے۔
تفصیلات کے مطابق اے آر وائی نیوز کی خبر پر دفتر خارجہ نے ایکشن لے لیا، لیبیا میں ناظم الامور نے بن غازی میں حراستی مرکز کا دورہ کیا، اور پاکستانی قیدیوں سے ملاقات کی۔
ترجمان دفتر خارجہ نے بتایا کہ پاکستانی قیدیوں کو خوراک اور بنیادی ضروریات فراہم کی گئی ہیں، جب کہ زیر حراست افراد کو ادویات کی فراہمی کے لیے اقوام متحدہ کی طبی ٹیم کے ساتھ رابطے میں ہیں۔
- Advertisement -
لیبیا کی جیلوں میں 15 ہزار پاکستانیوں کے قید ہونے کا انکشاف
ترجمان کا کہنا تھا کہ پاکستانی قیدیوں کی جلد وطن واپسی کے لیے ہم حکام کے ساتھ رابطے میں ہیں۔ واضح رہے کہ اے آر وائی نیوز نے کچھ روز قبل لیبیا میں زیر حراست پاکستانیوں کی خبر نشر کی تھی۔
