کراچی: جسٹس ہیلپ لائن نے وزارت خارجہ سے لیبیا میں قید پاکستانیوں کی واپسی کے لیے اقدامات کا مطالبہ کر دیا ہے۔
تفصیلات کے مطابق جسٹس ہیلپ لائن انٹرنیشنل کے سفیر میاں مبین اختر نے لیبیا میں قید پاکستانیوں کی رہائی کے لیے اعلیٰ حکام سے رابطہ کرتے ہوئے کہا ہے کہ وزارت خارجہ پاکستانیوں کی واپسی کے لیے اقدامات کرے۔
واضح رہے کہ یورپ جانے کی کوشش میں لیبیا کی جیل میں پاکستانی شہری 7 ماہ سے قید ہیں، حال ہی میں لیبیا کی جیل میں قید پاکستانیوں کی ویڈیو سوشل میڈیا پر وائرل ہوئی ہے، جس میں نوجوان کو جیل میں قید دیکھا جا سکتا ہے۔
پاکستانی قیدیوں نے رہائی کے لیے حکومت سے مدد کی اپیل کی، متاثرین کا کہنا تھا کہ ایجنٹ نے ان سے رقم لینے کے باوجود جیل سے رہا نہیں کرایا۔ بتایا جا رہا ہے کہ لیبیا کی جیل میں 101 پاکستانی قید ہیں۔
Comments
- Advertisement -
