پاکستان نے گزشتہ روز نیوزی لینڈ کو ون ڈے میچ میں شکست دی یہ ایک روزہ میچ میں 500 ویں فتح تھی جس کا قومی کھلاڑیوں نے شاندار جشن منایا۔
پاکستان کرکٹ ٹیم کے کھلاڑیوں نے اس تاریخی فتح کا میچ کے اختتام پر پنڈی اسٹیڈیم کے ڈریسنگ روم میں جشن منایا اس موقع پر تاریخی جیت کا کیک کاٹا گیا۔
کھلاڑیوں نے ایک دوسرے کو کیک کھلایا اور خوب ہلا گلا کیا۔
پاکستان کرکٹ کی اس تاریخی جیت اور شاندار جشن کی ویڈیو پاکستان کرکٹ بورڈ نے اپنے آفیشل ٹوئٹر اکاؤنٹ پر شیئر کی جو دیکھتے ہی دیکھتے وائرل ہوگئی۔
500 ODI wins and counting! 🏏🥳
A proud moment for Pakistan cricket as we celebrate this milestone.#PAKvNZ | #CricketMubarak pic.twitter.com/0wLx3jE24U
— Pakistan Cricket (@TheRealPCB) April 27, 2023
ویڈیو میں دیکھا جا سکتا ہے کہ ڈریسنگ روم میں قومی کپتان بابر اعظم اور بولنگ کوچ سابق فاسٹ بولر عمر گل مل کر ٹیم کی 500 ویں فتح کا کیک کاٹتے ہیں جب کہ ان کے گرد ٹیم کے تمام کھلاڑی اکٹھا ہوتے ہیں۔
کیک کاٹنے کے بعد کھلاڑی ایک دوسرے کو کیک کھلاتے خوش گپیاں اور ہلا گلا کرتے دکھائی دیتے ہیں۔
سوشل میڈیا پر ویڈیو وائرل ہونے کے بعد صارفین کی جانب سے قومی ٹیم کو یہ سنگ میل عبور کرنے پر مبارکباد کے پیغامات کا سلسلہ جاری ہے۔
واضح رہے کہ پاکستان کی ون ڈے کرکٹ میں 500 فتح میں 1992 میں ون ڈے کرکٹ کا عالمی چمپئن بننا، 2017 میں چیمپئنز ٹرافی جیتنا، 1986 میں شارجہ کے میدان میں روایتی حریف بھارت کے خلاف فائنل میں فتح اور جاوید میانداد کا تاریخی چھکا جیسے کئی ناقابل فراموش فتوحات شامل ہیں۔
