پرتھ: پاکستانی امپائر علیم ڈار نے ٹیسٹ کرکٹ میں سب سے زیادہ میچ سپروائز کرنے کا اعزاز حاصل کرلیا۔
تفصیلات کے مطابق پاکستانی امپائر علیم ڈار ٹیسٹ کرکٹ میں سب سے زیادہ میچ سپروائز کرنے والے امپائر بن گئے، علیم ڈار نے ویسٹ انڈیز کے اسٹیو بکنر کا سب سے زیادہ ٹیسٹ میچوں میں امپائرنگ کرنے کا ریکارڈ توڑ کر یہ اعزاز اپنے نام کیا۔
آسٹریلیا اور نیوزی لینڈ کے درمیان پرتھ میں کھیلے جارہے ٹیسٹ میچ میں علیم ڈار نے یہ اعزاز حاصل کیا، علیم ڈار کیریئر کے 139ویں ٹیسٹ میچ میں امپائرنگ کررہے ہیں۔
"You have to be mentally strong otherwise you can't survive."
Aleem Dar is set to break Steve Bucknor’s record of most Test matches as an umpire when he takes the field in Perth tomorrow.
Watch him speak about his illustrious career 📹 #AusvNZ pic.twitter.com/XC4VF4d9o8
— ICC (@ICC) December 11, 2019
علیم ڈار کا کہنا ہے کہ سب سے زیادہ ٹیسٹ میچ سپروائز کرنا زندگی کا بہترین لمحہ ہے جس کے احساسات کو الفاظ میں بیان نہیں کیا جاسکتا، گھروالوں، دوستوں اور مداحوں کا بہت مشکور ہوں جو ہر وقت میری کامیابی کے لیے دعاگو رہتے ہیں۔
واضح رہے کہ علیم ڈار تین مرتبہ آئی سی سی کے بہترین امپائر کا ایوارڈ بھی چیت چکے ہیں۔
علاوہ ازیں علیم ڈار سب سے زیادہ ون ڈے میچ سپروائز کرنے سے بھی 2 میچ کی دوری پر ہیں، علیم ڈار اب تک 207 ون ڈے میچ میں امپائرنگ کرچکے ہیں، روڈی کوئٹنزن کا 209 میچز کا ریکارڈ ہے۔
علیم ڈار کو سب سے زیادہ 46 ٹی ٹوینٹی میچز میں بھی ذمہ داریاں نبھانے کا اعزاز حاصل ہے۔
