وفاقی حکومت نے آذربائیجان سے سستی ایل این جی خریدنےکا فیصلہ کیا ہے۔
دستاویز کے مطابق پاکستان ایل این جی لمیٹڈ اور آذربائیجان کی سرکاری کمپنی سوکار میں معاہدہ ہو گا۔ آذربائیجان کی سرکاری کمپنی سے ہر ماہ 1 ایل این جی کارگو خریدا جائے گا۔
وزیراعظم شہبازشریف نے سمری ای سی سی میں پیش کرنے منظوری دیدی ہے۔
پی ایل ایل سوکار کو ڈالرز میں ادائیگیاں کی جائیں گی اور پی ایل ایل ادائیگیوں کیلئےمقامی بینک میں ایل سیز کھولےگی۔
جون 2022 سے اسپاٹ کارگوز کے حصول میں مشکلات کا سامنا ہے۔ گزشتہ سال پی ایل ایل موجودہ اورمڈٹرم معاہدے کے تحت کارگو خریدنے میں ناکام رہی تھی۔
پاکستان اور آذربائیجان کے درمیان ایل این جی خریداری کا انٹرگورنمنٹل معاہدہ طے پاچکا ہے۔
