برسلز : وزیر خارجہ اسحاق ڈار آج برسلز میں ہونے والی پہلی نیوکلیئر انرجی سمٹ میں شرکت کریں گے۔
تفصیلات کے مطابق برسلز میں پہلی نیوکلیئر انرجی سمٹ میں پاکستان کی شمولیت ہورہی ہے، وزیر خارجہ اسحاق ڈار پہلی نیوکلیئر انرجی سمٹ میں شرکت کے لیے برسلز پہنچ گئے۔
سفیر پاکستان بیلجیئم اور سفارتخانے کے افسران نے ان کا استقبال کیا، وزیر خارجہ اسحاق ڈار برسلز میں نیوکلیئر سیکیورٹی سربراہی کانفرنس میں شرکت کریں گے۔
سمٹ میں نیوکلئیر پاور کو صاف توانائی منصوبوں کیلئے استعمال پر بات چیت ہوگی جبکہ وزیر خارجہ اجلاس میں شرکت کرنیوالے ممالک کے رہنماؤں سے ملاقاتیں بھی کریں گے۔
عالمی سمٹ میں اہم ممالک کے وفود بھی شریک ہوں گے، جس میں امریکا، برطانیہ، چین، یورپی ممالک، سعودی عرب، یو اے ای اور آذربائیجان کے وفود شامل ہیں۔
ترجمان دفتر خارجہ کے مطابق اجلاس میں وزیر خارجہ کی شرکت بین الاقوامی جوہری توانائی ایجنسی کے ساتھ تعاون کو مزید مضبوط بنانے میں معاون ثابت ہو گی اور اس کے ساتھ ساتھ جوہری توانائی کے پرامن استعمال کے بارے میں مشترکہ نقطہ نظر کو فروغ دینے میں بھی معاون ثابت ہوگا۔
