پاکپتن: پنجاب کے شہر پاکپتن شریف میں ایک خاتون کے قاتل کو 12 سال بعد دبئی سے واپسی پر ایئرپورٹ پر گرفتار کر لیا گیا۔
تفصیلات کے مطابق پاکپتن میں شادی شدہ خاتون کو قتل کر کے بیرون ملک بھاگنے والا اشتہاری ملزم بارہ سال بعد پکڑا گیا، ملزم دبئی سے واپس آیا تو ایئر پورٹ پر ہی پکڑا گیا۔
ڈی پی او پاکپتن کیپٹن ریٹائرڈ طارق ولایت کے مطابق مفرور ملزم نے گاؤں اٹھاون ڈی میں بارہ سال قبل دیرینہ رنجش پر ایک خاتون کو قتل کیا تھا، واردات کے بعد وہ دبئی فرار ہو گیا تھا۔
تاہم بارہ سال بعد جب وہ یہ سوچ کر واپس لوٹا کہ کسی کو اس کی آمد کی خبر نہیں ہوگی، تو تھانہ چکبیدی کے ایس ایچ او عاشق عابد نے ایئر پورٹ سے ہی ملزم کو گرفتار کر کے حوالات میں بند کر دیا۔
Comments
- Advertisement -
