لاہور: پاکستان نے پانچویں ٹی 20 میچ میں انگلینڈ کو جیت کے لیے 146 رنز کا ہدف دے دیا جس کے تعاقب میں انگلینڈ کی بیٹنگ جاری ہے اور 23 رنز پر ان کی دو وکٹیں گر چکی ہیں۔
قومی ٹیم 19 اوورز میں 145 رنز بنا کر آل آؤٹ ہوگئی، وکٹ کیپر بیٹر محمد رضوان کے 63 رنز کے علاوہ کوئی بیٹر خاطر خواہ کارکردگی نہ دکھا سکا۔
محمد رضوان نے 46 گیندوں پر 63 رنز کی شاندار اننگز کھیلی جس میں تین چوکے اور دو چھکے شامل تھے۔
جب مہمان ٹیم کی اننگ شروع ہوئی تو رضوان کی بجائے حارث وکٹ کیپنگ کرتے دکھائی دیے۔
First-over wicket for @mnawaz94! ☝️#PAKvENG | #UKSePK pic.twitter.com/KANRG2q7So
— Pakistan Cricket (@TheRealPCB) September 28, 2022
دراصل بیٹنگ کے دوران ڈیوڈ ملان کی جانب سے کی جانے والی تھرو محمد رضوان کے لگی تھی جس کی وجہ سے انہیں آرام دیا گیا ہے اور نوجوان وکٹ کیپر محمد حارث کیپنگ کی ذمہ داری نبھا رہے ہیں۔
پی سی بی کا کہنا ہے کہ گیند لگنےکی وجہ سےرضوان کی کمرپر سوجن آئی ہے ان کی انجری معمولی نوعیت کی ہے۔
یاد رہے کہ دونوں ٹیموں کے درمیان 7 میچوں کی سیریز 2-2 سے برابر ہے۔
