پاکستان نے گزشتہ روز کھیلے گئے چوتھے ٹی 20 میچ میں سنسنی خیز مقابلے کے بعد انگلینڈ کو 3 رنز سے شکست دے کر سیریز 2-2 سے برابر کردی۔
آخری لمحات میں میچ کا پانسہ پلٹنے والے فاسٹ بولر حارث رؤف کو مین آف دی میچ قرار دیا گیا، فاسٹ بولر نے دو گیندوں کو دو کھلاڑیوں کو پویلین کی راہ دکھائی۔
انگلینڈ کی ٹیم 167 رنز کے مقابلے میں 163 رنز بناکر آؤٹ ہوگئی تھی۔
اس سے قبل انگلینڈ کے جارح مزاج بیٹر لیام ڈاسن نے محمد حسنین کے اوور میں 25 رنز بٹور کر میچ کو انگلینڈ کی جھولی میں ڈال دیا تھا لیکن حارث کا شاندار اسپیل انگلینڈ کی شکست کی وجہ بن گیا۔
SUPERSTAR HARIS RAUF 🔥🔥#PAKvENG | #UKSePK pic.twitter.com/79d9jjwFhF
— Pakistan Cricket (@TheRealPCB) September 25, 2022
قومی ٹیم کی شاندار کامیابی پر ساتھی کھلاڑیوں اور مداحوں کی جانب سے فاسٹ بولر حارث رؤف اور قومی ٹیم کی کارکردگی کی تعریف کی جارہی ہے۔
ٹویٹر پر قومی ٹیم کے نائب کپتان شاداب خان نے بھی لکھا کہ ’باہر بیٹھ کر میچ دیکھنا زیادہ مشکل ہے میرا تو دل بند ہوجانا تھا کیا کمال میچ تھا۔‘
شاداب نے جارح مزاج بیٹر آصف علی کے دو چھکوں کی بھی تعریف کی اور محمد نواز کی بولنگ کو بھی سراہا۔
نائب کپتان نے حارث رؤف کو مخاطب کرتے ہوئے لکھا کہ ’لو یو ہوگیا (تم سے محبت ہے)۔‘
Bahir bhet ker dekhna zyada mushkil hai. Mera dil band ho jana tha. Kya kamal match tha. @AasifAli45 ke chakkay, @MHasnainPak ka new ball spell, @IftiAhmed221 bhai ki offspin, @mnawaz94 ka jigra, @Wasim_Jnr ka spirit aur @HarisRauf14 love u ho gaya. Team effort. #PakistanZindabad pic.twitter.com/lrVhqodYxo
— Shadab Khan (@76Shadabkhan) September 25, 2022
انہوں نے لکھا کہ ’محمد حسنین کا نئی بال سے اسپیل بھی کمال کا تھا۔‘ افتخار احمد اور وسیم جونیئر نے بھی اچھی بولنگ کی۔
ٹویٹ کے آخر میں لیگ اسپنر نے ’جیت کو ٹیم کی مجموعی کارکردگی قرار دیا اور پاکستان زندہ باد بھی لکھا۔
