کراچی: ڈومیسٹک کرکٹ میں ڈبل سنچری اسکور کرنے والے نوجوان بیٹر محمد حریرا نے اپنے پسندیدہ کھلاڑی کا نام بتادیا۔
کراچی کے نیشنل اسٹیڈیم میں پاکستان اور نیوزی لینڈ کے درمیان دوسرا ون ڈے میچ جاری ہے، مہمان ٹیم نے 43 اوورز میں 7 وکٹوں کے نقصان پر 227 رنز بنالیے ہیں۔
کیویز کی جانب سے اوپنر ڈیون کونوے نے شاندار 101 رنز کی اننگز کھیلی جبکہ کپتان کین ولیمسن بھی 85 رنز کے ساتھ نمایاں رہے۔
RIPPER 💥@mnawaz94 stuns Williamson with a brilliant delivery ✨#PAKvNZ | #TayyariKiwiHai pic.twitter.com/kdTb27hrL9
— Pakistan Cricket (@TheRealPCB) January 11, 2023
سماجی رابطے کی ویب سائٹ ٹویٹر پر نوجوان بیٹر محمد حریرا نے کین ولیمسن کی بیٹنگ کی تعریف کرتے ہوئے انہیں اپنا پسندیدہ کھلاڑی قرار دیا۔
انہوں نے لکھا کہ ’میرے مشاغل میں کین ولیمسن کی بیٹنگ دیکھنا شامل ہے۔
My hobbies are watching Kane Williamson bat🫡🔥
— Muhammad Hurraira (@realhurraira) January 11, 2023
چند روز قبل بھی محمد حریرا نے کین ولیمسن کے ساتھ تصویر شیئر کی تھی جس میں وہ نوجوان کھلاڑیوں سے گفتگو کررہے ہیں۔
محمد حریرا نے لکھا تھا کہ ’کاش مجھے بھی کین ولیمسن سے بات کرنے کا موقع ملتا، بلے بازی کے فن کے بارے میں ان سے بات کرنا پسند کروں گا وہ ہمیشہ سے ہی میرے پسندیدہ کھلاڑی رہے ہیں۔
Wish I also had the chance to speak with Kane Williamson. Would love to speak to him about the art of batting. Has always been my favourite player growing up👏 pic.twitter.com/NI0STaW0Qa
— Muhammad Hurraira (@realhurraira) January 6, 2023
یاد رہے کہ محمد حریرا نے ڈومیسٹک سیزن میں شاندار ڈبل سنچری اسکور کی تھی۔
