مقبوضہ مغربی کنارے میں بس پر فائرنگ سے 6 اسرائیلی فوج زخمی ہو گئے۔

میڈیا رپورٹس کے مطابق واقعہ مغربی کنارے کو اردن سے ملانے والی مرکزی شاہراہ روٹ 90 پر اس وقت پیش آیا جب اسرائیلی فوجیوں سے بھری بس وہاں سے گزر رہی تھی۔

مسلح افراد نے بس کو روک کر اس پر گولیاں برسادیں جس کے نتیجے میں 6 اسرائیلی فوجی زخمی ہو گئے جب کہ واقعے میں ایک شہری کے زخمی ہونے کی بھی اطلاعات ہیں۔

وزارت دفاع نے واقعے کی تصدیق کرتے ہوئے بتایا ہے کہ دو مشتبہ افراد کو حراست میں لیا گیا ہے تاہم ان کی شناخت ظاہر نہیں کی گئی۔

جس علاقے میں واقعہ پیش آیا وہاں اسرائیلی آبادکاروں کی بستیاں اور فلسطینی مسلمانوں کے گاوں موجود ہیں۔