کراچی : نجی اسکولوں کی جانب سے 2ماہ کی فیسوں کے واچر جاری کرنے پر والدین پریشان ہے، ڈپٹی ڈائریکٹر پرائیوٹ انسٹیٹیوٹ کا کہنا ہے کہ جون جولائی کی فیس ایک ساتھ نہیں لی جاسکتی۔
تفصیلات کے مطابق کراچی میں نجی اسکولوں کی جانب سے یکمشت فیسوں کے واچر کے اجرا سلسلہ جاری ہے۔
معاشی مشکلات کے باوجود بعض اسکولز نے 2ماہ کی فیسوں کے واچر جاری کردیئے جبکہ متعدد اسکولزکی جانب سے سالانہ چارجز کی وصولی کاسلسلہ جاری ہے۔
والدین نے شکایات میں کہا ہے کہ قواعد کےبرعکس چارجز وصول کئے جارہے ہیں، مالی مشکلات کا سامناہے، اسکولز کی جانب سے مسئلہ حل نہیں کیاجارہا۔
اس حوالے سے ڈپٹی ڈائریکٹرپرائیوٹ انسٹیٹیوٹ نے ایک ساتھ2ماہ کی فیس ساتھ وصول نہیں ہوسکتی، نجی اسکول قواعد کے تحت ماہانہ فیس وصول کرسکتےہیں۔
انھوں نے کہا جون جولائی کی فیس ایک ساتھ نہیں لی جاسکتی ، اضافی واچرکی شکایات ڈائریکٹرپرائیوٹ انسٹیٹیوٹ کوکی جائے۔
