19.8 C
Ashburn
بدھ, مئی 29, 2024
اشتہار

راگھو چڈھا آنکھوں کی پیچیدہ بیماری میں مبتلا، بینائی جانے کا خدشہ

اشتہار

حیرت انگیز

لندن: بالی ووڈ کی اداکارہ پرینیتی چوپڑا کے شوہر اور سیاستدان راگھو چڈھا آنکھوں کی پیچیدہ بیماری میں مبتلا ہوگئے جس سے ان کی بینائی بھی جاسکتی ہے۔

بھارتی میڈیا رپورٹس کے مطابق انڈین وزیر سوربھ بھاردواج نے انکشاف کیا ہے کہ راگھو چڈھا اپنی آنکھوں کی سرجری کے لیے لندن میں مقیم ہیں اور یہ ہی وجہ ہے کہ راگھو انتخابی مہم کا حصہ نہیں ہیں۔

بھارتی وزیر کے مطابق راگھو کے ریٹینا میں سوراخ ہے جس کے باعث ان کی نظر جاسکتی ہے، اس وقت وہ سرجری کے لیے برطانیہ میں مقیم ہیں۔

- Advertisement -

دوسری جانب بھارتی میڈیا کا یہ دعویٰ ہے کہ راگھو کی اہلیہ اداکارہ پرینیتی چوپڑا بھی ان دنوں لندن میں شوہر کے ساتھ ہی ہیں، ان کی سرجری کردی گئی ہے اور ڈاکٹرز نے انہیں گھر بھیج کر آرام کا مشورہ دیا ہے۔

بھارتی میڈیا کے مطابق ان کے خاندانی ذرائع کا بتانا ہے کہ راگھو کی آنکھوں کی بیماری سنگین نوعیت کی ہے اسی لیے فوری طور پر سرجری کی گئی، اس وقت وہ مکمل بیڈ ریسٹ پر ہیں۔

واضح رہے کہ پرینیتی چوپڑا اور راگھو چڈھا کی شادی 24 ستمبر 2023 میں بہت دھوم دھام سے ہوئی۔ راگھو چڈھا ایک سیاستدان ہیں اور ان کا تعلق عام آدمی پارٹی سے ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں