پیرس : فرانس کےدارالحکومت پیرس میں پولیس نے مسجد کے قریب لوگوں پر گاڑی چڑھانےکی کوشش کرنےوالےشخص کو گرفتارکرلیا۔
تفصیلات کےمطابق پیرس کے مضافاتی علاقے کریٹیل میں مسجد کےقریب ہجوم پرگاڑی چڑھانے کی کوشش کرنے والے شخص کو پولیس نے گرفتار کرلیا۔
پولیس کےمطابق مسجد کےباہر لگائی گئی رکاوٹوں کے باعث کوئی نقصان نہیں ہوا۔ہجوم پر گاڑی چڑھانے کی کوشش کرنے والے شخص ارمینیائی نژاد باشندہ ہے۔
خیال رہے کہ فرانس میں نومبر 2015 میں ہونے والے حملوں کے بعد سے ملک میں ہنگامی حالات نافذ ہیں۔ ان حملوں میں 130 افراد ہلاک ہوئے تھے۔
لندن، خاتون نےعید گاہ کے باہرنمازیوں پرگاڑی چڑھا دی
یاد رہےکہ گزشتہ ہفتےبرطانیہ میں کار سوارخاتون نےعید کی نما زپڑھ کر باہر آنے والے افراد پرگاڑی چڑھا دی جس کے نتیجے میں 3 بچوں سمیت 6 افراد زخمی ہوگئےتھے۔
لندن: دہشت گرد کا نمازیوں پر حملہ، 1 شہید، 10 زخمی، حملہ آور گرفتار، برطانوی شہری نکلا
واضح رہےکہ برطانوی دارالحکومت لندن میں 19 جون کوایک دہشت گرد نے مسجد سے نکلنے والے نمازیوں پر گاڑی چڑھادی تھی،جس کےنتیجےمیں ایک نمازی شہید اور کم از کم 10 زخمی ہوگئےتھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
