The news is by your side.

Advertisement

کراچی کےمختلف علاقوں میں بوندا باندی‘ موسم خوشگوار

کراچی: شہرقائد کے مختلف علاقوں میں بوندا باندی اور ٹھنڈی ہواؤں کے باعث موسم خوشگوار ہوگیا ہے۔

تفصیلات کے مطابق کراچی کے مختلف علاقوں میں صبح سویرے بوندا باندی کے باعث موسم خوشگوار ہو گیا، شہر میں ٹھنڈی ہوائوں کا راج ہے۔

لوگوں کی بڑی تعداد سہانے موسم سے لطف اندوز ہونے کے لیے گھروں سے باہر نکل آئی۔

کراچی میں شارع فیصل، کارساز، گلشن اقبال، گلستان جوہر، لیاری، صدر اور بہادرآباد سمیت مختلف علاقوں میں بوندا باندی کے بعد موسم مزید ٹھنڈا ہوگیا۔

محکمہ موسمیات کا کہنا ہے مغربی ہواؤں کے کم دباؤ کا سسٹم بلوچستان سے ہوتا ہوا سندھ کے ساحلی علاقوں میں داخل ہوگیا ہے۔

محکمہ موسمیات کے مطابق کراچی کے مختلف علاقوں میں ہلکی بارش کے باعث موسم سرد ہوگیا ہے جبکہ ہلکی بارش کا سلسلہ رات تک جاری رہے گا۔

دوسری جانب اسلام آباد، روالپندی، لاہور، سرگودھا، گوجرانوالہ، فیصل آباد، ساہیوال، ڈی جی خان، بہاولپور اور ملتان میں بھی بارش کا امکان ہے۔

محکمہ موسمیات کے مطابق کوئٹہ، ژوب، خیبرپختونخواہ، فاٹا، کشمیر اور گلگت بلتستان کے چند مقامات پر گرج چمک کے ساتھ بارش اور پہاڑوں پر برفباری کا امکان ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں