اسلام آباد : پپیپلز پارٹی کی قیادت پر حکومت سے متعلق جارحانہ رویہ اپنانے کیلئے دباؤ بڑھنے لگا اور پارٹی رہنماؤں نے بلاول بھٹو کی حکومت سے معاملات اٹھانے کی مخالفت کردی۔
تفصیلات کے مطابق پی پی قیادت پرحکومتی حمایت ترک کرنےکیلئے پارٹی کا دباؤ بڑھنے لگا، ذرائع نے بتایا کہ پیپلزپارٹی پنجاب اور کے پی نے قیادت کو سخت مؤقف اپنانے کا مشورہ دے دیا۔
ذرائع کا کہنا تھا کہ پی پی سندھ اور بلوچستان نے قیادت کو مفاہمتی پالیسی جاری رکھنے کا مشورہ دے دیا۔
پپیپلز پارٹی قیادت پارٹی کے حکومت سےمتعلق تحفظات پر شدید دباؤ میں ہے اور حکومت سےمتعلق جارحانہ رویہ اپنانے کیلئے دباؤ ہے۔
بلاول بھٹو نے پارٹی رہنماؤں کو معاملات حکومت سےاٹھانے کی یقین دہانی کرائی تاہم پارٹی رہنماؤں نے بلاول بھٹو کی حکومت سے معاملات اٹھانے کی مخالفت کردی۔
پی پی ذرائع نے کہا کہ حکومت کے سامنے متعدد بار تحفظات رکھنے کے باوجود کچھ نہیں ہوا، پیپلزپارٹی کے رہنماوں، ورکرز کو اصل مسائل پنجاب،کے پی میں ہیں۔
ذرائع کا مزید بتانا تھا کہ بلاول بھٹو نے رہنماؤں کوسی ای سی میں مسائل پر تفصیلی غور کی یقین دہانی کرائی ہے۔
