لاہور : سابق وزیر اعلیٰ پرویز الٰہی نے پی ٹی آئی رہنما فواد چوہدری کی اہلیہ حبا فواد سے اپنے بیان پر معذرت کرلی۔
تفصیلات کے مطابق سابق وزیر اعلیٰ پرویز الٰہی نے پی ٹی آئی رہنما فواد چوہدری کی اہلیہ حبا فواد سے رابطہ کیا۔
جس میں چوہدری پرویز الٰہی نے حبا فواد سے اپنے بیان پر معذرت کرتے ہوئے کہا فواد چوہدری ایک زیرک سیاستدان ہیں اور عمران خان کے اہم کھلاڑیوں میں شامل ہیں۔
فواد چوہدری کی اہلیہ کیا۔
گذشتہ روز مسلم لیگ ق کے صدر پرویز الٰہی نے پی ٹی آئی رہنما فواد چوہدری کے بھائی فیصل چوہدری ایڈووکیٹ کو ٹیلی فون کیا تھا۔
جس میں پرویزالٰہی نے گرفتاری سے متعلق اپنے بیان پر فواد چوہدری اور اہلخانہ سے معذرت کی تھی۔
پرویزالٰہی کا کہنا تھا کہ فواد چوہدری اور ان کے خاندان سے برسوں پر محیط نہایت احترام و عقیدت کا رشتہ ہے، نادانستہ بیان سے فواد اور اہل خانہ کے جذبات مجروح ہوئے جس پر افسوس ہے۔
