لاہور : سابق وزیر اعلیٰ پنجاب پرویز الہی نے مریم نواز کے اے آر وائی نیوز کیخلاف بیان کی مذمت کرتے ہوئے کہا حکومت جھوٹے پروپیگنڈےسےاے آر وائی کی آواز نہیں دباسکتی۔
تفصیلات کے مطابق سابق وزیر اعلیٰ پنجاب پرویز الہی نے اپنے بیان میں کہا کہ ‘مریم نواز کے اے آر وائی نیوز کیخلاف بیان کی مذمت کرتے ہیں، اے آر وائی نیوز نے بغیر کسی دباؤ کے ہمیشہ مثبت صحافت کی ہے۔’
پرویزالہٰی کا کہنا تھا کہ ‘اے آر وائی ہیڈ آف نیوز عماد یوسف پرسنگین مقدمات قابل مذمت ہیں، حکومت جھوٹے پروپیگنڈےسےاے آر وائی کی آواز نہیں دباسکتی۔’
یاد رہے میڈیا گفتگو میں مریم نواز نے صحافیوں کے سوالات کے جواب میں کہا کہ کچھ لوگوں نے صحافیوں کا لبادہ اوڑھا ہے ان کی ایک جماعت سے وابستگی ہے، کچھ چینل خاص طور پر اے آروائی نیوز سرفہرست ہے۔
مریم نواز کا کہنا تھا کہ جھوٹاپروپیگنڈا، جھوٹ بولنے والی مشین بنیں گے توبات تو ہوگی، حقائق کوسامنے لانا اور بے نقاب کرنا میرا حق ہے۔
