لاہور : سابق وزیراعلیٰ پنجاب چوہدری پرویز الہیٰ کے ضمانتی مچلکے بینکنگ کورٹ میں جمع کرادیئے گئے، جس کے بعد آج پرویز الہی کو رہا کرنے کا امکان ہے۔
تفصیلات کے مطابق بینکنگ کورٹ میں سابق وزیراعلیٰ پنجاب چوہدری پرویز الٰہی کی ضمانت کےمچلکے جمع کرا دیئے گئے ، مچلکوں کی جانچ پڑتال کے بعد چوہدری پرویز الہی کی روبکار جاری کئے جائیں گے۔
روبکار جیل حکام کو موصول ہوتے ہی آج پرویز الہی کو رہا کرنے کا امکان ہے، عدالت نے چوہدری پرویزالٰہی کو 5 لاکھ روپےکے ضمانتی مچلکے جمع کرانے کا حکم دیا تھا۔
خیال رہے لاہور ہائیکورٹ نے سابق وزیراعلیٰ پنجاب پرویز الہیٰ کو کسی اور مقدمہ میں گرفتار کرنے سے روک دیا تھا۔
عدالت نے تھانہ غالب مارکیٹ مقدمہ میں پرویز الٰہی کی حفاظتی ضمانت منظور کرتے ہوئے ہدایت کی تھی کہ چوہدری پرویز الٰہی ضمانت کے لیے متعلقہ عدالت سے رجوع کریں۔
چوہدری پرویز الٰہی کی ددخواست میں نامعلوم کیسز گرفتار کرنے سے روکنے کی استدعا کی تھی۔
