پشاور : پاکستان تحریک انصاف پارلیمنٹرینز کے سربراہ پرویز خٹک نے پارٹی کےآئین و منشور کی تیاری پر کام شروع کردیا۔
تفصیلات کے مطابق پاکستان تحریک انصاف پارلیمنٹرینز کے سربراہ پرویز خٹک نے پارٹی کےآئین و منشور کی تیاری پر کام شروع کردیا۔
ذرائع نے بتایا کہ محمود خان کو نائب چیئرمین، ضیا بنگش کو سیکرٹری اطلاعات بنائے جانے کا امکان ہے ، دیگر عہدیداروں کیلئےبھی مشاورت،پارٹی کے آئین و منشور کا اعلان جلد کیا جائے گا۔
ذرائع کا کہنا ہے کہ پاکستان تحریک انصاف پارلیمنٹرینزکی کور کمیٹی کو بھی حتمی شکل دی جائے گی۔
یاد رہے گذشتہ ماہ سابق وفاقی وزیر پرویزخٹک نے پی ٹی آئی پارلیمینٹرینز کے نام سے نئی پارٹی کا باقاعدہ اعلان کیا تھا۔
سابق وزیراعلیٰ خیبرپختونخوامحمود خان بھی نئی سیاسی جماعت میں شامل ہیں جبکہ پی ٹی آئی کے 57 سابق ارکان اسمبلی نے پرویز خٹک کی حمایت کا اعلان کیا تھا اور پرویز خٹک پارٹی کے سربراہ مقرر کئے گئے تھے۔
