The news is by your side.

Advertisement

چلتے جہاز پر مسافر کی عجیب وغریب حرکت، پھر کیا ہوا؟

واشنگٹن: امریکا میں مسافر نے ایئرپورٹ کے رن وے پر چلنے والے طیارے کا ایمرجنسی گیٹ کھول دیا۔

غیرملکی خبررساں ادارے کی رپورٹ کے مطابق طیارہ کولمبیا سے امریکی شہر میامی پہنچا تھا اور رن وے پر اپنی پوزیشن میں آرہا تھا کہ اس دوران مسافر ایمرجنسی دروازہ کھول کر جہاز کے ونگ (پر) کی طرف نکل پڑا۔

رپورٹ میں بتایا گیا کہ مسافر کو طیارے کے پر کے اوپر چلتے ہوئے دیکھا گیا بعد ازاں امریکی ریاست فلوریڈا کے شہر میامی میں ایئرپورٹ پر عجیب و غریب صورت حال پیدا ہوئی۔

امریکی پولیس کا واقعے سے متعلق کہنا تھا کہ کولمبیا سے آنے والی پرواز میں ایک مسافر نے ہنگامی راستہ استعمال کیا اور بدھ کی شام میامی انٹرنیشنل ایئرپورٹ پر طیارے کے پروں کی طرف باہر نکل گیا۔

پولیس نے مزید کہا کہ مسافر نے ونگ پر چلنے کے بعد ایئرپورٹ کے ممنوعہ حصے میں چھلانگ لگائی اور دعویٰ کیا کہ وہ خطرے میں ہے تاہم اہلکاروں نے اسے گرفتار کرلیا۔

گرفتار شہری کو اسپتال منتقل کیا گیا جہاں سے اس نے بھاگنے کی بھی کوشش کی۔ ابتدائی طور پر امکان ظاہر کیا جارہا ہے کہ مذکورہ مسافر ذہنی مریض ہے۔ یہ انوکھا واقعہ سوشل میڈیا پر بھی توجہ کا مرکز بنا رہا۔

Comments

یہ بھی پڑھیں