سیالکوٹ : ایف آئی اے نے مسافر کی بھائی کے پاسپورٹ پر بیرون ملک جانے کی کوشش ناکام بنادی ، گرفتار ملزم اپنے بھائی بلال حسن کے پاسپورٹ پر اٹلی جارہا تھا۔
تفصیلات کے مطابق ایف آئی اے امیگریشن نے سیالکوٹ ایئرپورٹ پر کارروائی کرتے ہوئے بھائی کے پاسپورٹ پر بیرون ملک جانے کی کوشش ناکام بناتے ہوئے مسافرغلام مصطفیٰ کو گرفتار کرلیا۔
ایف آئی اے نے بتایا کہ گرفتار ملزم اپنے بھائی بلال حسن کے پاسپورٹ پراٹلی جارہاتھا، ابتدائی تفتیش کے مطابق ملزم کا بھائی گزشتہ سال اٹلی سے پاکستان آیا تھا۔
ایف آئی اے کا کہناتھا کہ ملزم نے بیرون ملک جانےکیلئےاپنےبھائی کااٹلی ریزیڈنٹ کارڈپیش کیا، ملزم کے بھائی کوغیرقانونی سرگرمیوں کی وجہ سے اٹلی داخلے کی اجازت نہ تھی۔
ترجمان نے کہا کہ ملزم کو قانونی کارروائی کیلئے اینٹی ہیومن ٹریفکنگ سرکل گوجرانوالہ منتقل کردیا گیا ہے۔
Comments
- Advertisement -
