بھارت میں زیرعلاج مریض نے اسپتال کی چھت سے چھلانگ لگا کر زندگی کا خاتمہ کر لیا۔
ایک افسوسناک واقعے میں 30 سالہ مریض جو سرکاری زیر انتظام ضلع اسپتال میں داخل تھا، نے مبینہ طور پر عمارت سے چھلانگ لگا دی، جس کے نتیجے میں مدھیہ پردیش میں علاج کے دوران اس کی موت ہوگئی۔
یہ واقعہ بدھ کی دیر رات بھوپال سے تقریباً 450 کلومیٹر دور مدھیہ پردیش کے دموہ ضلع میں پیش آیا۔ مرنے والے شخص کی شناخت شوبھم اہیروار کے طور پر کی گئی ہے جو دموہ کے ایملائی گاؤں کا رہنے والا ہے۔
پولیس کے مطابق شبھم کو اس کے اہل خانہ ضلع اسپتال لائے تھے اس کے پیٹ میں کچھ دن پہلے درد تھا۔ صحت میں کچھ بہتری کے بعد شبھم کو اسپتال کے جنرل وارڈ میں منتقل کردیا گیا۔
بدھ کی رات وہ اچانک اپنے بستر سے اٹھا اور وارڈ میں ہنگامہ کرنے لگا۔ وہ وارڈ میں واقع نرسنگ اسٹیشن کی طرف بھاگا اور وہاں سے قینچی اٹھائی۔
اس کے بعد وہ وارڈ کے ایک سرے سے دوسرے سرے تک دوڑتا ہوا گیا اور چھت سے چھلانگ لگا دی جس سے اس کی موت ہو گئی۔
