ابوظبی:ابوظہبی ہیلتھ سروسز کمپنی نے سولہ سال سے زائد عمر کے مریضوں اور تیمارداروں سے متعلق اہم اعلان کیا ہے۔
میڈیا رپورٹ کے مطابق ابوظہبی ہیلتھ سروسز کمپنی صحۃ نے اعلان کیا ہے کہ وہ مریض یا تیماردار جن کی عمر سولہ سال سے زائد ہیں انہیں صحت مراکز اور صحت سہولہات پر آنے کے لئے "الحصن” ایپلی کیشن پر گرین پاس کا حامل ہونا ضروری ہے۔
صحۃ کی جانب سے جاری بیان کے مطابق اس نئے قاعدہ پر عملدرآمد منگل سات ستمبر دو ہزار اکیس سے ہوگا تاہم اس کے نفاذ میں مراکز اور سہولیات کے ایمرجنسی شعبوں اور ڈرائیو تھرو ٹیسٹنگ سہولیات کو استثنی دیا گیا ہے۔
میڈیا رپورٹ کے مطابق یہ اعلان ابوظہبی ایمرجنسی کرائسز اینڈ ڈیزاسٹر کمیٹی کی ان تازہ ترین ہدایات کے بعد کیا گیا ہے جس میں الحصن ایپ کے گرین پاس کو منظور کیا گیا تھا، یہ انسداد کووڈ نائنٹین کی اس حکمت علی پر مبنی ہے جو ویکسینیشن پر توجہ مرکوز رکھنے ، کںٹریکٹ ٹریسنگ کو فعال ترین رکھنے اور دیگر اقدامات کیلئے ہے۔
